Солонгосын хойгийн хурцадмал байдал ХАЛУУН ЦӨМИЙН ДАЙНД хүргэж болзошгүй гэж мэдэгджээ

Солонгосын хойгийн нэн хурцадмал байдал хамгийн хөнөөлт халуун цөмийн дайн дэгдэхэд хүргэж болзошгүй байна гэж БНАСАУ-ын удирдагч Ким Жон Ун “Үндэсний батлан үйл хэргийн хөгжил - 2024” үзэсгэлэнгийн нээлтийн үеэр мэдэгдсэн тухай тус улсын Төв цахилгаан мэдээний агентлаг мэдээлэв.

БНАСАУ-ын батлан хамгаалах хүчин чадлын өсөлтийг харуулсан энэ үзэсгэлэнд батлан хамгаалах салбарын шинжлэх ухаан, техникийн нэн шинэ бүтээлүүд, тэдгээрийн дотор улам сайжирч, хүчирхэг болж байгаа стратегийн болон тактикийн зэвсэглэлийг дэлгэн үзүүлсэн байна. Умард Солонгосын удирдагч Ким Жон Ун зэвсгийн үзэсгэлэнг нээж үг хэлэхдээ зэвсэглэлийг үргэлжлүүлэн шинэчлэн сайжруулахыг уриалсан байна.

“Солонгосын хойгийн сөргөлдөгч талууд өмнө нь хэзээ ч ийм аюултай, нэн хурцадмал зөрчилдөөнд орж байгаагүй. Энэ сөргөлдөөн нь хамгийн сүйрэлт халуун цөмийн дайнд гэнэт хүргэж болзошгүй юм. БНАСАУ-д дайсагнасан АНУ-ын бодлого огт өөрчлөгдөөгүй болохыг тус улсын эрх баригчидтай янз бүрийн түвшинд хийсэн яриа хэлэлцээ харуулсан. АНУ-ын дэлхийд ноёрхох бодлогыг сөрөн зогсож байгаа БНАСАУ-ын эсрэг дарамт шахалт, өдөөн хатгалга, сүрдүүлэг тасрахгүй байна” гэж Умард Солонгосын удирдагч онцолжээ.