“SpaceX” компанийн хөлөг анх удаа дэлхийн туйлын дээгүүр ниснэ

Энгийн иргэдээс бүрдсэн баг бүхий “SpaceX” компанийн “Crew Dragon” хөлөг анх удаа дэлхийн туйлын тойрог замд гарахаар хөөрчээ. Багийн бүрэлдэхүүн Мальтын бизнесмен Чун Ван, Норвегийн кино найруулагч Яннике Миккельсен, Германы робот техникийн мэргэжилтэн Рабеа Рогге болон Австралийн мэргэжлийн аялагч Эрик Филипс нар багтжээ.

Гурваас таван хоног үргэлжлэх нислэгийн үеэр хэд хэдэн шинжлэх ухааны туршилт, тэр дундаа сансар дахь рентген судалгаа, булчингийн болон ясны массыг хадгалахад чиглэсэн дасгал хөдөлгөөн, бичил жингүйдлийн нөхцөлд мөөг ургуулах туршилт зэргийг гүйцэтгэх аж. Сансрын хөлөг тойрог замд амжилттай гарсан бөгөөд дэлхийн өмнөд болон хойд туйл дээгүүр нисэх даалгавартай. Нислэг 450 км өндөр болно.

Эл нислэг нь ирээдүйн сансрын аялал жуулчлалд шинэ боломж нээнэ гэж “SpaceX” компани үзэж байна.