“Жендэрт суурилсан хүчирхийлэлтэй тэмцэх аян”-д Завхан аймаг нэгдэж байна

Жил бүрийн арваннэгдүгээр сарын 25-наас арванхоёрдугаар сарын 10-ны өдрүүдэд “Жендэрт суурилсан хүчирхийлэлтэй тэмцэх аян”-ыг дэлхий даяар хэрэгжүүлдэг.

Энэ жил “Технологи ашиглан үйлдэгдэж буй жендэрт суурилсан хүчирхийлэлтэй тэмцэхэд нэгдэцгээе” уриатайгаар өсвөр насныхан, цахим орчин дахь аюулгүй байдалд голлон анхаарч, технологийг аюулгүй ёс зүйтэй ашиглахыг дэмжин, технологи ашиглан үйлдэгдэж буй Жендэрт суурилсан хүчирхийлэлтэй тэмцэх үйлдэгчдэд хариуцлага тооцож, хохирогчдыг хамгаалах хууль эрхзүйн зохицуулалтыг бий болгох зорилготой тэмдэглэн өнгөрүүлж байна.

Энэхүү аянд Завхан аймгийн ЗДТГ нэгдэж, хүүхдээ онлайнд аюулгүй байлгах, цахим дээрэлхэлтэд өртөж буй эсэхийг нягтлах, хүний хувийн мэдээллийг зөвшөөрөлгүй олон нийтэд дэлгэхгүй байх, бусдын бичлэг зургийг олон нийтэд өөрчлөн түгээхийн эсрэг байх зэрэг сэдвүүдээр мэдээлэл өгөв.