Макрон Ираны Ерөнхийлөгчтэй утсаар ярив

Францын Ерөнхийлөгч Эммануэль Макрон Ираны Ерөнхийлөгч Масуд Пезешкиантай утсаар ярьсан тухайгаа Х сүлжээнд мэдээлжээ.

Макрон Ираны Ерөнхийлөгчөөс бүс нутгийн хөрш орнууддаа шууд болон Ливан, Ирак дахь холбоотнуудаараа дамжуулан цохилт өгөхөө зогсоохыг уриалсан байна. Хяналтгүй хурцадмал байдал Ойрх Дорнодыг бүхэлд нь үймээн, хямралд оруулж байгаа бөгөөд үүний ноцтой үр дагаврыг нь өнөөдөр төдийгүй ойрын жилүүдэд амсах болно гэж Макрон онцолсон байна.

Тэрбээр Ираны талд хандан Ормузын хоолойд хөлөг онгоцны хөдөлгөөнийг аль болох ойрын хугацаанд сэргээхийг уриалжээ.