Японы ханхүү таалал төгсөв
Өнгөрсөн лхагва гаригт буюу зургаадугаар сарын зургааны өдөр Японы эзэн хаан Акихитогийн үеэл дүү, угсаа залгамжилсан ханхүү Томохито 66 насандаа таалал төгсчээ. Нас барсан албан ёсны шалтгааныг мэдээлээгүй байна. Эх сурвалжуудын мэдээлснээр Томохито 1991 оноос эхлэн хоолойны хорт хавдраар өвчилсөн аж. Өнгөрсөн 12 дугаар сараас эхлэн Токиогийн эмнэлэгт хэвтэн эмчлүүлж 16 удаа мэс ажилбарт орж байжээ. Хамгийн сүүлд тэрбээр гуравдугаар сард эмчлүүлээд гарсан ч мягмар гаригт онц хүнд байдалтай эмнэлэгт хүргэгдэхэд эмч нар амийг нь аварч чадаагүй аж.
Дашрамд дуулгахад "Сахалтай ханхүү" хэмээн ард түмэндээ нэрлэгддэг Томохито Японы хаан ширээг залгамжлах магадлалтай хүмүүсийн тавд бичигдэж байсан юм. Томохито өвөрмөц араншинтай гэдгээрээ хааны гэр бүлийнхнээс эрс ялгаатай байсны дээр хааны гэр бүлийн гишүүдийн дундаас сахлаа ургуулсан анхны хүн болж байжээ.
Эх сурвалж: "Улаанбаатар таймс" сонин
Холбоотой мэдээ
Сэтгэгдэл ( 0 )