Түүний охин –Энэ бол тийм ч сайхан зүйл биш байсан гэжээ. Өдгөө 14 настай Пэрис гоо сайхнаараа дэлхийд шагшигдах цаг нь хэдий нь болжээ. Харин эцэг Майкл нь олон жилийн турш охиноо олны өмнө гарахад маск зүүлгэдэг байсан гаж зуршилтай. Яагаад тэр хүүхдүүдийнхээ царайг ингэж халхалдаг байсан, үүнд охин Пэрис нь хэрхэн ханддаг талаар охин Опра УИНФРИГИЙН шоунд оролцохдоо ярьжээ.

Майкл Жексон гэрээсээ гарахдаа хүүхдүүдийнхээ нүүрэнд маск зүүлгэж эсвэл торон алчуураар халхалж байсан нь анхнаасаа л олны дургүйцлийг хүргэж байлаа. Харин Пэрис эхэндээ үүнийг эцгийн хайр халамж хэмээн ойлгож тэр үйлдлээс нь татгалздаггүй байсан аж. Тэгээд ч зорилгыг нь сайн ойлгохгүй байсан гэнэ.

–Би яагаад дандаа масктай байх ёстой гэдгийг ойлгохгүй байсан. Эвгүй санагддаг байсан. Харин одоо бол яагаад бидний царай нууцлаг байх ёстой байсныг ойлгож байна. Түүнгүйгээр гадагш гарахад биднийг хэн гэдгийг олон нийт мэдэх ёсгүй байж. Харин маск нь бидэнд өөрийн амьдралдаа бие даасан хэлбэрээр хандах, хэвийн амьдралаа олноос хамгаалах гэсэн аавын санаа байжээ. Бид энгийн л амьдарч байсан. Хүүхдийн дэлгүүрээр хэснэ, цэцэрлэгт хүмүүжих гээд. Харин аав олны харцаас биднийг нууж, амьдралын хэмнэлийг минь хадгалахын тулд ингэдэг байсныг одоо л ойлгож байгаа. Аав ярихдаа түүнд хүүхэд нас гэж байгаагүй гэдэг. Байнга л студид “тамлагдаж”, дуулж байхад бусад хүүхэд тоглож, тэнэж байсан гэсэн. Тэгээд л биднийг тийм амьдралаас хол хөндий байлгахын тулд л тэгж тусгаарладаг байжээ хэмээн Пэрис ярьсан байна

Р.Слава