Брюс Уиллисийн охин олон нийтийн ажил хийхээр шийтгүүлжээ

Холливудын супер одод Брюс Уиллис, Дэми Мур нарын охин Скаут Уиллис метронд пакистаны лаазтай шар айраг ууж яваад цагдаагийн ажилтны нүдэнд өртөн багагүй шуугиан дэгдээлээ. Тэрээр одоо 20 настай бөгөөд АНУ-ын хуулиар 21-ээс доош насныхан спиртийн төрлийн ундаа хэрэглэх хориотой байдаг аж. Түүнийг цагдаагийн ажилтан биеийн байцаалтаа шалгуулахыг шаардахад “оддын” охин заль хэрэглэн Кэтрин Келли нэртэй хуурамч бичиг баримт үзүүлснээр асуудлыг улам хүндрүүлжээ. Үүний уршгаар охин цагдаагийн газар нэг хоног саатуулагдсан байна. Түүний хэргийг Манхэттений шүүх хэлэлцэж Уиллист хоёр өдрийн турш олон нийтийн ажил хийлгэх шийтгэл оногдуулсан бөгөөд үүний дараа охин гэм зэмгүй болох аж.