Ухаалаг бугуйн цаг бүтээжээ

“Sony” компанийн бүтээл болох “Sony Smart Watch” нэртэй ухаалаг бугуйн цаг мэндэллээ. Энэхүү цаг нь Bluetooth-ийн тусламжтайгаар гар утастай холбон ашиглаж болдог байна. Ингэснээр танд шинэ и-мэйл, мессеж, дуудлага ирэх, фэйсбүүк, твиттерт шинэ мэдээлэл ирэхэд чичиргээ дохио өгөх юм. Мөн цаг агаарын мэдээ болон бусад мэдээллийг харах боломжтой. Sony Smart Watch” нь 1.3 инчийн 128х128 пикселийн OLED дэлгэцтэй, ус, шороо тоосны хамгаалалттай, зайг бүрэн цэнэглэсэн тохиолдолд дөрвөн өдөр тасралтгүй цэнэгээ барьдаг байна. Sony компанийн мэдэгдсэнээр “HTC, Motorola, Samsung зэрэг компанийн Андройд 2.1-ээс дээш үйлдлийн системтэй ухаалаг гар утсыг дэмжин ажилладаг бөгөөд одоогоор АНУ-д худалдаанд 149.99 ам.долларын үнэтэй худалдаалагдаж байна” гэжээ.