Зомби оршин суугчдыг айлгав

Аймшгийн киноны төрөл нь үзэгчдийн дунд нилээн алдартай байдгаараа онцлог юм. Гэвч яг амьдрал дээр тэрхүү аймшгийн амьтантайгаа нүүр тулж үзвэл яах бол?

  “The Walking Dead” теле цувралыг сурталчилж буй кампанит арга хэмжээний хүрээнд “жинхэнэ зомби” хотоор явж хүмүүсийг паникт оруулжээ. Түүнийг харсан хүмүүсийн онцгой сэтгэгдэл төрүүлэхүйц хариу үйлдлүүдийг нууц камераар бичлэг хийсэн байна.

Интернетийн Youtube-д тавьсан тэрхүү бичлэгийг маш богино хугацаанд асар олон хүн үзсэн аж.

 AMC сувгаас зохион байгуулсан энэхүү үйлдэл нь маш эрсдэлтэй байж болохоор гэж олон хүмүүс үзсэн байна. Зомбиг харсан хэн нэгний зүрх айсандаа хаагдаж мэдэх, мөн түүнээс айсан хүн хуурамч гэдгийг мэдэлгүй тухайн жүжигчнийг хөнөөж ч мэдэх эрсдэлтэй хэмээжээ.

Д.Мигаа