Бритни Спирс Клеопатрад хувирна

Хуримын бэлтгэлийн их ажлаа үл хайхран Бритни Спирс ердийн темпээ алдалгүй уран бүтээлээ үргэлжлүүлсээр байна.

Саяхан тэрээр Fantasy Twist, Britney Spears хэмээх өөрийн нэрийн үнэртний нүүр царай болохын тулд Клеопатрад хувирсан аж. Үүний тулд түүний загвар зохион бүтээгчид, нүүр хувиргагчид бүхнийг тооцоолон хэрэгжүүлжээ: загварлаг даашинз, их хэмжээний алтан чимэглэл, үс янзлалт г.м. Бритнигийн үзүүлэх Клеопатра шаргал үстэй байх аж.

Египетийн хатан хааныг дүрсэлсэн цор ганц зурагаа Бритни Спирс өөрийн микроблогтоо тавин: “Өнөөдөр Fantasy Twist-ийн фото сурталчилгаанд зориулан өөрийн “доторх” Клеопатрагаа дуудлаа. Үнэртэн маань есдүгээр сард худалдаанд гарах болно” хэмээн бичжээ.

Д.Мигаа