Адам Ливайн, Беати Принслоу нар амрагууд уу...

Maroon 5 хамтлагийн дуучин, өдгөө 33 настай Адам Ливайныг зартай хүүхэмсэг эр гэдгийг хэн бүхэн андахгүй биз ээ. Түүний амрагууд нь тамирчин, дуучин, кино од, загвар өмсөгч гээд олон билээ. Гэхдээ тэр их ам султай нэгэн. Тэдгээр хаясан гэх хүүхнүүдийнхээ зан ааш, сексийн талаар хэвлэлийнхэнд тоохгүй ярьчихдаг "гар" даа. Алдарт теннисчин Мария Шараповаг хүртэл –Орондоо хөлдүү загас шиг хүүхэн хэмээн хэлээд авч байсан нөхөр. Харин энэ удаад Ливайн 23 настай модель Беати Принслоу гэх хүүхэнтэй амрагийн холбоотой байгаа гэдэг ч гурван сарын турш бүх мэдээллээ нууцалж байгаа билээ. Зарим хэвлэлд бичсэнээр бол Адам энэ удаад жинхэнээсээ дурласан бололтой аж. Харин саяхны нэг өдөр тэр хоёрыг далайн эрэг дээрх кафегаас гаран байкаар давхиж байгаа зургийг папарациуд авчээ. Адам Ливайн өмнө нь жүжигчин Кира Найтли, Кэмерон Диас, модель Анна Вьялицына болон дуучин Жессика Симпсон, Бритни Спирс, Пэрис Хилтон зэрэг зартай хүүхнүүдтэй халуухан амраг байсан билээ. 

С.С.Слава