АНУ-ын элчингийн ажилтнуудыг шархдуулжээ

Мексикийн Морелос мужид цагдаагийнхан машиныг нь буудсаны улмаас АНУ-ын элчин сайдын яамны хоёр ажилтан шархадсан байна.

Мексикийн тусгай албаныхны мэдээлснээр цагдаагийн эргүүлүүд гэмт этгээдүүдийг мөрдөж байсан тусгай ажиллагааны үеэр эндүүрэл болж дипломат дугаартай машин буудагдсан аж.

Тус улсын эрх баригчдын зүгээс болсон үйл явдлын шалтгааны талаар тодорхой мэдээлэл хийгээгүй байна.

ИТАР-ТАСС мэдээлснээр тухайн тохиолдлын шалтгааныг тодруулж гэм буруутныг тогтоох ажиллагаа эхэлсэн аж.

Д.Мигаа