Венесуэлд газрын тос боловсруулах үйлдвэр дэлбэрчээ

Венесуэлийн газрын тос боловсруулах үйлдвэрт  энэ сарын 25-нд  хүчтэй дэлбэрэлт болж, их хэмжээний гал гарчээ.
Дэлбэрэлтийн улмаас амиа алдсан хүмүүсийн тоо 39-т хүрээд байгаа гэнэ. Мөн 82 хүн гэмтэж, 15 хүн эмнэлэгт хүргэгдэж, 13 айл гэр оронгүй болж, 200 гаруй байшин, 11 дэлгүүр эвдэрсэн байна.
Урьдчилсан байдлаар уг дэлбэрэлтийг хий алдагдсанаас болсон гэж таамаглаж байгаа аж. Дээрх хэргийн улмаас Венесуэлийн Ерөнхийлөгч Уго Чавес гурван өдрийн гашуудал зарлаж, холбогдох хүмүүст дэлбэрэлтийн шалтгааныг тодруулахыг үүрэг болгожээ.

Х.Даваа