Амиа золиослогч бүсгүйн хэн болохыг тогтоов

Өчигдөр Дагестанд мусульман шашны нэрт зүтгэлтэн, улсын мусульмантны тэргүүн, соён гэгээрүүлэгч шейх Саид Афанди өөрийн гэртээ дэлбэрэлтийн улмаас амь үрэгдсэн билээ.

Дэлбэрэлтийг амиа золиослогч эмэгтэй үйлдсэн ба үүний уршгаар найман хүн амь үрэгджээ.

Дагестаны хууль сахиулах байгууллагаас мэдээлснээр террорист-алуурчин бүсгүйн хэн болохыг дэлбэрэлтийн дараа тасарч үлдсэн толгойных нь тусламжтай тогтоосон аж.

Энэ эмэгтэй нь Махачкала хотын оршин суугч, ислам шашинтан, гэмт бүлэглэлийн нэгэн гишүүний эхнэр Аминат Сапрыкина хэмээх бүсгүй байжээ.

“Интерфакс” мэдээлснээр уг эмэгтэй нь зориуд амиа золиослогч алуурчнаар бэлтгэгдэн, цаанаасаа тушаал заавартай байсан байх магадлалтай гэсэн байна.

Д.Мигаа