Путин төрийн удирдах албан тушаалтныг 70 нас хүртэл ажиллахыг зөвшөөрлөө

ОХУ-ын Ерөнхийлөгч Владимир Путин удирдах албан тушаал гүйцэтгэж буй төрийн албан хаагчдыг 70 нас хүртэл ажиллахыг зөвшөөрөх тухай хуулийн төслийг Улсын Думд өргөн барилаа.

Энэ нь насны хязгаарыг 60-аар тогтоож байсан “ОХУ-ын төрийн албаны тухай” хуулийн 251 дэх заалтад нэмэлт өөрчлөлт оруулж засварлах аж.

Мөн түүнчлэн санал болгож буй хуулийн төслийн хэрэгжилтэд ОХУ-ын хууль сахиулах байгууллагыг бэхжүүлэх ерөнхий чиг хандлагын дагуу төрийн тусгай албан хаагчид болох шүүгч, прокурор, мөрдөн байцаах газрын ажилтнууд хамрагдах боломжтой гэжээ.

Д.Мигаа