Леди Гага: Загварлаг байна гэдэг амаргүй даваа

Өдөр алгасахгүй шахам сюрприз барьдаг 26 настай дуучин Леди Гага Лондонгийн загварын долоо хоногоор гайхалтай үзүүлбэр үзүүлснийхээ дараа Нидерландад энэ сарын 18, 19-ний өдөр хоёр тоглолтоо толилуулжээ. Энэ нь түүний дэлхийг тойрон аялж буй Born This Way тоглолтынх нь шинэ хэсгийн эхлэл юм.  

18-ны өдөр тэрээр Амстердам дахь зочид буудлаасаа гарч ирэхдээ фенүүддээ шинэ дүр төрхийг харуулсан юм. Бэлхүүсээ тодотгосон шар даашинз, цэцгээр гоёсон бүрх малгай өмсчээ. Малгайнх нь нүсэр чимэглэл нүүр нүдийг нь халхалсан байлаа.  Гэвч америк од маань том бүрх малгайн доороос нүд нь ил харагдахгүй байснаас яг л сохор мэт аядуухан алхаж байсан юм.

Н.Цэнгэл