Өнөөдөр iPhone 5-ын худалдаа эхэлж байна

Өнөөдөр, Баасан гаригт удаан хүлээсэн смартфон iPhone 5 АНУ-д худалдаанд гарч эхэлж байна.

Apple компанийн нэрийн барааны дэлгүүрүүдийн гадаа олон хоногийн турш хүмүүс дугаарлан зогсож, баяр ёслолын байдалтайгаар хаалга нээгдэх торгон агшныг хүлээцгээж байна. App Store шилэн хаалганууд орон нутгийн цагаар яг 8:00 цагт нээгдэх аж.

Хамгийн үнэнч хэрэглэгчид нь хэдэн өдрийн өмнөөс дугаарлагсдын нэрсийн жагсаалтыг гарган шинэ бүтээгдэхүүнийг харуулдан хүлээж байна. Мөн эдгээр өдрүүдэд тэдэнтэй зэрэгцэн өөрийн эзэлсэн байраа үнэ тохиролцон зардаг “оочерын шагчдын” отрядууд идэвхтэй хүлээж байгаа аж.

Энэхүү смартфоныг Австрали, Их Британи, Герман, Гонконг, Канад, Сингапур, Франц, Японд худалдан авч болно.

Захиалга авсан эхний өдрөө 2 сая ширхэг смартфоны захиалга хүлээн авч рекорд амжилт тогтоолоо хэмээн Apple компаниас мэдэгдэж байсан билээ. Шинэ смартфоны гэрээт захиалгын үнэ 199-399 долларын хооронд хэлбэлзэж байна.

Д.Мигаа