Жолооч нар рэкетүүдэд “сургамж” өгчээ (видео)

Ставропольскийн хүнд даацын машины жолооч нар аян замд нь тааралдаж мөнгө нэхсэн рэкетүүдийг хэрхэн “болгож өгч” байгааг харуулсан бичлэг өчигдөр интернетэд тавигдсан нь хүмүүсийн анхаарлыг ихэд татаж байна.

“Жигули 9” машинтай рэкетлэгчид авто замыг хаан зогсож, өнгөрөхийг завдсан том тэрэгний жолоочоос “эелдэг” байдлаар мөнгө хүсэхэд нь уг жолооч “дугуйгаа янзална” хэмээн аргалж буугаад сүүлд хүрч ирсэн бусад том машины жолооч нартаа мэдэгдснээр тэд хүрч ирэн рэкетлэгчийг “сургамж” автал нь балбаж өгөөд, дараа нь “Жигули”-ыг нь хөмөрч хаяж байгааг truck-ын видеокамера бичлэг хийн авсныг интернетэд байршуулсан аж.

Уг бичлэгийг аль болохоор ихээр түгээн, бусдыг дээрэмдэж хялбар аргаар мөнгө олох санаатай этгээдүүдэд сургамж өгөх хэрэгтэй хэмээн интернет хэрэглэгчид үзэж байна.

Д.Мигаа