Николас Кейжээс 115 мянган доллар нэхжээ

Холливудын нэрт жүжигчин Николас Кейжээс түүний экс-бие хамгаалагч нь шалтгаангүй ажлаас халагдсаны нөхөн төлбөрт 115 мянган доллар нэхэмжилсэн байна.

Жүжигчний хамгаалалтын албаны ажилтан байсан Ричард Браун өөрийг нь Кейж шударга бусаар ажлаас халсан хэмээн буруутгаж Калифорнийн Оранж тойргийн шүүхэд нэхэмжлэл гаргасан аж.

Брауны өгүүлснээр, тэр 2011 оны есдүгээр сард ажилд орсон ба хоёр долоо хоногийн дараа амласан цалингаа өгөлгүй ажлаас халсан гэнэ.

1996 онд шилдэг эрэгтэй дүрийн “Оскар” авч байсан нэрт жүжигчин сүүлийн хэдэн жил санхүүгийн асуудалтай байгаа ажээ.

Д.Мигаа