Уго Чавес яллаа

ИТАР-ТАСС мэдээлснээр, Венесуэлд болж өнгөрсөн ээлжит Ерөнхийлөгчийн сонгуульд Уго Чавес ялсан байна. Одоогийн Ерөнхийлөгч, 58 настай Уго Чавес гурав дахь удаагаа дараалан төрийн тэргүүн болж байгаа аж. Тэрээр 1999 оноос хойш Венесуэлийн Ерөнхийлөгчөөр тасралтгүй ажиллаж байгаа билээ. 

Сонгуулийн үндэсний хороо орон нутгийн цагаар 22:00 цагт анхны албан ёсны мэдэгдлээ хийсэн ба Чавесийн төлөө нийт сонгогчдын 54% санал өгчээ.

Чавесийн гол өрсөлдөгч сөрөг хүчний нэр дэвшигч Энрике Капрелис бараг 10% зөрүүгээр ялагдал хүлээсэн аж.

Д.Мигаа