Леди Гага Энхтайваны шагнал хүртэнэ
Поп хөгжмийн од Леди Гага маргааш Ёоко Оногийн гараас Энхтайваны шагнал гардан авах гэж байна.
2002 оноос Битлз хамтлагийн дуучин Жон Ленноны гэргий Ёоко Оно нөхрийнхөө дурсгалыг хүндэтгэн хоёр жил тутамд нэг удаа дэлхийн энхтайвны үйлст хүчин зүтгэгсдэд энэхүү шагналыг олгодог болсон бөгөөд өнөөдөр тэрээр шагналтнуудын нэрсийн жагсаалтыг танилцууллаа.
Тэрбээр Москвагийн цогчин дуганд Ерөнхийлөгч Владимир Путин болон шашныг доромжилсон хэрэгт буруутгагдан хоригдоод байгаа Оросын “Пусси Риот” хамтлагийнхныг эчнээ шагнахаар болжээ.
Мөн Америкийн нийтлэлч Жон Перкинс, Америкийг дэмжигч идэвхтэн Рэйчел Корри, зохиолч, сэтгүүлч Кристофер Хитченс нарыг шагнах аж.
Ёоко Оно "Гага бол орчин үеийн дуу хөгжмийн салбарын хамгийн онцгой хүмүүсийн нэг. Түүний "Born This Way" цомог нь хүн төрөлхтний оюун санааг өөрчилсөн хэмээн” онцолжээ.
Н.Цэнгэл
Холбоотой мэдээ
Сэтгэгдэл ( 0 )