“Оддын дайн” киноны хөгжим хамгийн сэтгэлд хоногшмоор гэнэ

Интернет сүлжээний кино үзүүлбэрийн хамгийн том сан гэгддэг lovefilm өөрийн хэрэглэгчдийн дунд ямар киноны аялгуу илүүтэй сэтгэлд хоногшмоор санагддаг вэ? гэсэн асуулгыг явуулжээ.

Санал асуулгын дүнгээс харахад хамгийн өндөр хувьтай нь “Оддын дайн” киноны хөгжмийн зохиомж байсан аж.

Энэхүү аялгууг Оскарын таван удаагийн шагналын эзэн Жон Уильямс зохиосон байна. Мөн түүний “Индиана Жонс”-д зориулсан саундтрек нилээн дээгүүр байр эзэлсэн аж.

Энэхүү үзүүлэлтийн жагсаалтад алдарт Жеймс Бондын шинэ кинонд Британийн дуучин Аделийн зохиомжилж дуулсан “Skyfall” удаахь байранд шалгарсан байна.

Д.Мигаа