Өнөөдөр үд дунд дэлхийн 140 оронд Windows 8-ын худалдаа эхэлнэ

Баасан гаригийн яг үд дунд Microsoft корпораци дэлхийн 140 оронд өөрийн шинэ бүтээгдэхүүн Windows 8 үйлдлийн системээ худалдаж эхэлнэ. Дэлхийн 37 хэл дээрх энэхүү систем нь Windows 8, Windows 8 Pro гэсэн хувилбараар зарагдах юм.

Түүний онцлог нь мэдрэгч дэлгэцтэй төхөөрөмжүүдэд чиглэгдсэн явдал юм. Энэ системийн тусламжтай мэдээлэл оруулахад зөвхөн хулгана, гар ашиглах бус хуруугаараа дэлгэцэнд хүрэх байдлаар ажиллаж болох аж.

Windows 8  нь компьютер, планшет, смартфонд зориулсан дэлхийн анхны нэгдмэл систем юм. Компанийн зүгээс үүнтэй нэгэн зэрэг мэдрэгч төхөөрөмжүүд дээр интернетэд ажиллах зориулалтын Internet Explorer 10 болон планшетад суурилагдах Windows 8 RT үйлдлийн системийг гаргасан аж.

Түүнээс гадна, өнөөдрөөс эхлэн АНУ-д Microsoft Surface шинэ планшетийн худалдаа эхлэх ба үнэ нь 499 доллараас дээш юм байна. Энэхүү планшет дэлхийн бусад орнуудад хэзээ зарагдаж эхлэх нь одоогоор тодорхойгүй байгаа аж.

Өнөөдөх дэлхий дээр 1,3 тэрбум хэрэглэгч Мicrosoft-ын үйлдлийн системийг ашиглаж байгаа ба өмнөх Windows 7 үйлдлийн системээ 2009 онд гаргасан билээ. Түүний өмнө гаргасан Windows Vista нь ажиллахад түвэгтэй, удаан байснаас борлуулалтын түвшин доогуур байсан аж.

Д.Мигаа