Брэд Питт тавилгын салбарт хүчээ сорино

Холливудын нэрт жүжигчин Брэд Питт тавилгын дизайнераар авьяасаа сорихоор шийджээ.

Тэрээр тавилга үйлдвэрлэгч Фрэнк Полларотой гар нийлж ажиллаж байгаа бөгөөд унтлагын өрөөний тавилга, сандал ширээнээс эхлээд ахуй амьдралд хэрэгтэй бүхий л эд хогшлыг урлах гэнэ. Энэхүү брэндээ тэд “Pitt-Pollaro” хэмээн нэрлэжээ.

Брэд 1990-ээд эхлэн тавилгынхаа загварын санаануудыг бодож зурж эхэлсэн. Фрэнк тэднийхээр айлчилж очихдоо ямар ч дизайнераас дутахааргүй зурсан зургуудыг нь хараад хамтарч ажиллах санал тавьсан гэнэ. Тэд нэрийн тавилгаа энэ сарын 13-15-нд Нью-Йорк хотноо танилцуулах гэнэ.

Н.Цэнгэл