Геннисийн рекордыг эвдсэн Э.Цацралын үзүүлбэр

Унгарын нийслэл Будапишт хотын “Максимус” циркт үзүүлбэр үзүүлдэг Монгол бүсгүй Геннисийн дээд амжилтын эзэн боллоо.Тэрээр дэлхийн хамгийн удаан буюу 2 минут 34 секунд шүдэн дээрээ тогтосноор Геннисийн рекордыг эвдсэн байна. Түүнийг Э.Цацрал гэдэг бөгөөд бага наснаасаа эхэлж уран нугарч, бүжиг бүжиглэдэг байсан аж. 2011 онд тэрбээр Төрийн шагналт, Гавьяат жүжигчин н.Мажигсүрэнгийн удирдлага дор уран нугаралтаар хичээллэх болж, амжилт нь ахисаар ОХУ, Хятад, Франц зэрэг улсад болдог олон улсын А зэрэглэлийн тэмцээнүүдэд амжилттай оролцож байжээ. Ингээд түүний Дэлхийн рекордыг эвдсэн шилдэг үзүүлбэрийг хүргэе.