Балба, Төвөдийн үер: Амиа алдагсдын тоо 389 болж өслөө

Лхагва гарагт Төвөдтэй залгаа Балбын хил дээр болсон гэнэтийн үерийн улмаас амиа алдсан хүний тоо 389-д хүрч, 900 гаруй хүн ор сураггүй алга болоод байна. Хятадын хэвлэлүүдийн мэдээллээр, Төвөдөд гурван хүн амиа алдаж, 558 хүн ор сураггүй алга болжээ.

Балбын ерөнхий сайд Балендра Шахын мэдээлснээр, эрэн хайх, аврах ажиллагаанд хууль хүчний 13 мянга гаруй алба хаагчийг дайчлаад байна.

Гамшигт өртсөн хүмүүст зориулж түр орогнох байр зохион байгуулж, бэртэж гэмтсэн хүмүүст эмнэлгийн тусламжийг үнэгүй үзүүлж байна.

Пүрэв гарагт дахин үер болж магадгүй гэсэн мэдээлэл гарсантай холбогдуулан хүмүүнлэгийн тусламж хүргэх ажлыг шат дараатай явуулж эхэлжээ.

Гамшигт үерийн шалтгаан нь голын ус руу аварга том мөсний хэлтэрхий унасан байж болзошгүй гэж үзэж байна. Тухайн газар үүссэн нуурын усны түвшин нэмэгдэж байгаа тул эрэг нь сэтрэх аюул байгааг анхааруулж байна.