Шилдэг киноны хөгжмийн тоглолт болно

"Гэр” Монголын маркетингийн агентлагаас “Best of Hollywood” хэмээх шилдэг киноны хөгжмийн тоглолтыг зохион байгуулахаар болжээ. Тус тоглолтод үзэгчдийн сэтгэлд хоногшсон Холливудын шилдэг киноны хөгжмүүдийг Монгол улсын филармонийн Симфони найрал хөгжимтэй тоглох юм. Хөгжмийн найруулагчаар Б.Анар, удирдаачаар Д.Нямдаш, Б.Батбаатар нар ажиллаж байна.

Тоглолтод ЦДБЭЧ-ын найрал дуучид, ятгачин Ч.Мөнх-Эрдэнэ, гитарчин Д.Өлзий-Орших, хийлч Ч.Дэлгэрцэцэг, морин хуурч Н.Жигжиддорж, дуучин Д.Отгонжаргал нар оролцох юм. Тоглолт ирэх сарын 5-6-ны өдөр Тусгаар тогтнолын ордонд болно.