”Зэрлэг цэцэгсийн хүлэмж” киноны трейлэр

Улсын драмын эрдмийн театрын жүжигчин, МУГЖ У.Уранчимэг, МУСТА Д.Ганцэцэг, А.Ганчимэг нар өөрсдийн нэрний эхний үсгүүдээр нэрлэсэн GUG продакшныг байгуулан анхны уран бүтээлдээ орсон тухай өмнө нь мэдээлж байсан билээ.

"Зэрлэг цэцэгсийн хүлэмж" хэмээх өвөрмөц нэртэй уран сайхны киноны зохиолыг жүжигчин Д.Ганцэцэг,  МУГЖ У.Уранчимэгт зориулан бүтэн жил гаруй хугацаанд бичсэн байна. Харин киноны гол дүрд МУГЖ У.Уранчимэг, МУСТА Д.Ганцэцэг, А.Ганчимэг, ҮДБЭЧ-ын бүжигчин МУСТА М.Бямбаа, жүжигчин Энхтүвшин, мэргэжлийн 90 гаруй жүжигчид оролцон тогложээ.

МУГЖ У.Уранчимэгийн бүтээсэн тайзны жүжгийн дүрүүд өөр өөрийн онцлог дүр төрхтэй байдгийг үзэгчид андахгүй мэднэ биз ээ. Уг кинонд ч урьд өмнө харж байгаагүй дүрийг бүтээсэн байна. Ингээд "Зэрлэг цэцэгсийн хүлэмж"  киноны трейлэрыг хүргэе.