Улсын хэмжээнд он солигдох мөчид 39 хүү, 36 охин мэндэлжээ

З.Тэмлүүн | Zindaa.mn
2019 оны 01 сарын 01
Монгол Улсын Ерөнхийлөгч Х.Баттулга шинэ оны эхний өдөр нийслэлийн "Өргөө" амаржих газар буюу ууган төрөх эмнэлэгт очиж, он солигдох шөнө амаржсан эхчүүд болон эмнэлгийн ажилчдад шинэ оны мэнд дэвшүүллээ.

"Өргөө" амаржих газарт 2019 он гарсаар 13 эх амаржсан байна. Харин улсын хэмжээнд 00:00 цагаас хойш 75 хүүхэд мэндэлсний 39 нь хүү, 36 нь охин байжээ.

Монгол Улсын Ерөнхийлөгч Х.Баттулга тус эмнэлэгт амаржсан эхчүүдтэй уулзаж, эрүүл энх, сайн сайхан бүхнийг хүсээд Эрүүл мэндийн сайд Д.Сарангэрэлд төрөх эмнэлгийн орчин, төрөх орыг шинэчлэх ажилд анхаарал хандуулж ажиллахыг хүссэн юм.

Энэ үеэр мөн "Өргөө" амаржих газрын дарга, Анагаах ухааны доктор Г.Баясгалан “Нийслэлийн өргөө амаржих газарт 2017 онд 11800 орчим эх амаржсан. Өнгөрсөн шөнө 35 эх амаржсан. Өглөөний найман цагаас хойш таван ээж амаржиж, 11 эх төрөхөөр бэлтгэгдэж байна. Монгол Улсын Ерөнхийлөгч Х.Баттулга 2018 оны зургадугаар сарын 1-ний өдөр манай байгууллагыг Хөдөлмөрийн гавьяаны улаан тугийн одонгоор шагнасан. Энэ үеэрээ манай төрөх эмнэлэгт хувиасаа 100 сая төгрөг өгөхөөр амласан байсан. Тэр амлалтаа биелүүлж, өнгөрсөн 11 дүгээр сард маш сайн үйл ажиллагаа, тоноглолтой сүүлийн үеийн төрөх орнуудыг бэлэглэсэн. Эхчүүд одоо энэ орон дээр амжиж байгаа” гэсэн юм.

Мөн Монгол Улсын Ерөнхийлөгч Х.Баттулгад хандан “Манай эмнэлэгт тасралтгүй хүүхэд мэндэлж байдаг. Одоо ч гэсэн эхчүүд орилж, уйлсаар байна. Төрөлт гэдэг сайхан явц. Төрсний дараа ээжийн бүх өвдөлт, шаналгаа мартагддаг. Шинэ хүн мэндэлнэ гэдэг хамгийн аз жаргалтай мөч. Ийм сайхан мөчийг хуваалцсанд нийт эмнэлгийн ажилчдынхаа өмнөөс талархал илэрхийлье” гэсэн юм.

Монгол Улсын Ерөнхийлөгч Х.Баттулга амаржсан зарим эхчүүдтэй дурсгалын зураг татуулж, гарын бэлэг гардууллаа.

Эх сурвалж: President.mn

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн (66.181.180.203)  2019 оны 01 сарын 02

ЭМЯ ҮСХ мэдээллээ авч чадахаа байсан байна. Эсвэл хүн амын төрөлт ингэтлээ буурчихсан юм уу. Мэргэжлийн удирдлагагүй болсоны том эмгэнэл шүү. Тоонд үнэлгээ хйиж чадахгүй худлаа толгой хаяалаад л цацчихдаг тэтгэврийн позорчин авгайгаа хурдан далд оруулаач

0  |  0
Иргэн (202.72.245.202)  2019 оны 01 сарын 01

Сайхан харагдаж байна,

0  |  0
бурхан ивээг (94.30.168.62)  2019 оны 01 сарын 01

амжиж-амаржиж гэж засна уу...МОНГОЛЫН ХУУХЭД ЕРХ,ЭЭЖ БОЛГОН АЗ ЖАРГАЛТАЙ БАЙХ БОЛТУГАЙ

0  |  0
turuu (211.58.149.92)  2019 оны 01 сарын 01

mongliin vrs ervvl enx usuj xvn am maani oiriin taban jildee 10 say bolox boltugai

0  |  0
Bold (172.58.140.224)  2019 оны 01 сарын 01

Battulga uuriiguu hezeech reclamdalgui mungu ugdug. Barag nuutsaar ugdug gej sonsoj baisan. Humuusd medegdej reclamddag garuud bna bn. Elbegdorj odoo gereeree duuren unchin huuhed usguj bgaa yu? Asrahiin huuhduud avchraad humuus dolignoj mungu uguud l alia gar bsan shuu!

0  |  0
Top