ИНФОГРАФИК: Бүртгэлтэй ажилгүй иргэд 21.7 мянга байна

Админ | Zindaa.mn
2019 оны 04 сарын 16

Хөдөлмөр эрхлэлтийн байгууллагад ажил хайж бүртгүүлсэн иргэд 2019 оны гуравдугаар сарын эцэст 31.8 мянга, үүнээс 21.7 (68.3%) мянга нь бүртгэлтэй ажилгүй иргэд, 10.1 (31.7%) мянга нь ажилтай боловч өөр ажил хайж байгаа иргэд байна.

Нийт бүртгэлтэй ажилгүй иргэд өмнөх оны мөн үеэс 1375 (5.9%) хүнээр, өмнөх сараас 2271 (9.5%) хүнээр буурсан байна. Бүртгэлтэй ажилгүй иргэдийн 11.3 (52.1%) мянга нь эмэгтэйчүүд байна. Бүртгэлтэй ажилгүй иргэдийн 7.2 (33.0%) мянга нь Улаанбаатарт, 5.2 (24.0%) мянга нь Хангайн бүсэд, 3.5 (16.4%) мянга нь Төвийн бүсэд, 3.6 (16.3%) мянга нь Баруун бүсэд, 2.2 (10.3%) мянга нь Зүүн бүсэд ногдож байна.

Улсын хэмжээнд бүртгэлтэй ажилгүй иргэдийн 378 (1.7%) нь хөгжлийн бэрхшээлтэй иргэд байгаа бөгөөд 190 (50.3%) нь эмэгтэйчүүд байна.

Эх сурвалж: Үндэсний Статистикийн хороо

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top