“Оросын мисс-2019” тэмцээний ялагчаар Азов хотын уугуул, 20 настай Алина Санько тодорчээ. Москвад сурдаг тэрбээр “Ялагч болсондоо одоо ч итгэж чадахгүй байна. Энэ зүүд үү гэж бодож сууна. Ямар их аз жаргалтай байгаагаа үгээр илэрхийлж чадахгүй нь. Үлгэрийн юм шиг л санагдаж байна” гэж цахим хуудсандаа бичсэн байна. Уран зураг, яруу найрагт дуртай Алина одоо олон улсын миссийн тэмцээнүүдэд ОХУ-ыг төлөөлөн оролцоно.
Тэмцээний ялагч үнэт чулуугаар чимсэн цагаан алтан титэм, гурван сая рублийн мөнгөн шагналын эзэн болжээ.
“Оросын мисс-2019” тэмцээний хоёрдугаар байрт Екатеринбург хотын Арина Верина, гуравдугаар байрт Татарстаны Ралина Арабова нар шалгарсан байна.
Сэтгэгдэл ( 0 )