Загвар өмсөгч Н.Эрдэнэцогт эксийнхээ "мэнд"-ийг мэджээ

Монголын загварын ертөнцийн нүүр царай болж “Хамгийн төгс хос” гэгдээд байсан  С.Төгс, Н.Эрдэнэцогт нарын хамтын амьдрал удаан үргэлжлээгүй. Хөөрхөн охиныхоо хамт реклам сурталчилгаанд тоглож, сонин сэтгүүлийн нүүрийг чимдэг байсан тэдний тухай элдэв янзын мэдээлэл олны чихийг дэлдийлгэсэн үе бий. Загвар өмсөгч Н.Эрдэнэцогт эхнэрээ гадаадын загварын шоунд оролцохоор явсан хойгуур шөнийн цэнгээний газарт тайчигч бүсгүйтэй наадаж буй зураг нь хэвлэлд дэлгэгдэж байлаа.

Загвар өмсөгч С.Төгсийн хувьд "Авьяаслаг Монголчууд" шоуны шилдэг оролцогчийн нэг, "Тэнгэрийн хунтайж" гэгдээд байгаа Ч.Цэнгүүнтэй хайр сэтгэлийн холбоотой болж, өдийг хүртэл жаргалтай яваа. Харин С.Төгсийн төрсөн өдөр өчигдөр тохиосон бөгөөд түүний экс нөхөр Н.Эрдэнэцогт төрсөн өдрийн мэнд хүргэж, олныг гайхшруулаад авчээ. “Миний учирсан хүүхнүүдийн тоо 200 хол давсан” хэмээн илэн далангүй ярилцлага өгч байсан загвар өмсөгч Н.Эрдэнэцогт экс эхнэрээ “Царай муутай ч гэсэн халуухан хүүхэн. Харин нүдэндээ давхраа хийлгэсэн нь ёстой зохиогүй. Элэг хөшмөөр харагддаг шүү дээ. Тэр хүн надаас салаад бөгсөө яаж авч явах нь хамаагүй” гэж хэвлэлийнхэнд магтан матаж айсан удаатай.