“Петро Матад”-ын өрөмдлөгийн ажил ирэх сард эхэлнэ

Б.Болорсүх | Zindaa.mn
2019 оны 06 сарын 27

Лондоны хөрөнгийн биржид бүртгэлтэй “Петро Матад” компани Матадын талд бүртгэлтэй хайгуулын XX талбайд сонгосон гурван байршилд өрөмдлөгөө эхлүүлэхээр болжээ. Ирэх долоодугаар сард эхлэх өрөмдлөгийн ажлаас тус талбайн нөөц, геологийн нөхцөл байдал зэрэг нь тодорхой болох юм. Сүүлийн сар хагасын хугацаанд өрөмдлөг хийх талбайн барилгын ажлыг эхлүүлж бэлдээд байсан билээ.

Тус компани “Гөрөөс 1”, “Улаан буга 1”, “Дэглий 1” гэсэн гурван хайгуулын талбайд өрөмдлөг хийх юм. Өрөмдлөгийг Монголын талаас “DQE International”,  “Датон” газрын тосны инженерийн компанитай хамтран гүйцэтгэх юм. Хөрөнгө оруулагчдын зүгээс өрөмдлөгийн ажил үр дүнд хүрнэ гэдэгт итгэлтэй байгаа юм. Түүнчлэн "Петро Матад" компани хайгуулын талбайгаа өргөтгөх хүсэлтээ ч илэрхийлээд байгаа юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top