Нисэхийн авто замыг гурван өдөр хаана

Барилга хот, байгуулалтын яамны захиалгаар Хан-Уул дүүргийн 10 дугаар хороо Нисэхийн авто зам буюу “Пирамид” хотхоны урд талын 0.1 км авто замыг ойрын өдрүүдэд хаана.

Тодруулбал наймдугаар сарын 03-ны өдрийн 23 цагаас 08 дугаар сарын 05-ны өдөр хүртэл түр хааж дулааны шугамын ажлыг хийж гүйцэтгэнэ гэдгийг Тээврийн цагдаагийн албанаас мэдээллээ. Иймд тус чиглэлд зорчих иргэд байршуулсан тэмдгийн дагуу түр замаар хөдөлгөөнд оролцохыг Тээврийн цагдаагийн албанаас зөвлөж байна.