Халх голын байлдаанд оролцсон 100 настай ахмад дайчинд хүндэтгэл үзүүлэв

М.Хангал | Zindaa.mn
2019 оны 09 сарын 08

Халх голын ялалтын 80 жилийн ойг тэмдэглэх арга хэмжээний хүрээнд Халх голын байлдаанд оролцсон өдгөө 100 настай, ОХУ-ын Буриад Улсын Улаан-Үд хотноо оршин суугаа өндөр настан Ковалев Ефрем Андреевичид хүндэтгэл үзүүлж, Халх голын 80 жилийн ойн медаль, дурсгалын зүйл гардуулж баяр хүргэжээ.

Уг арга хэмжээг Монгол Улсаас ОХУ-ын Буриад улсын Улаан-Үд хотноо суугаа ЕКГ-аас санаачилж, Монголын талаас Консул Д.Ганболд, Дэд консул М.Ганхүү нар, Оросын талаас ОХУ-ын ГХЯ-ны Улаан-Үд дэх төлөөлөгчийн гуравдугаар нарийн бичгийн дарга Шагдарова Ксения, Буриадын Нийгмийн халамжийн байгууллага, Ахмад дайчдын холбоо, мэдээллийн хэрэгслийн төлөөлөл оролцсон байна.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top