Өнөөдөр "Олон улсын орчуулагчдын өдөр" тохиож байна

Жил бүрийн есдүгээр сарын 30-ны өдрийг "International Translation Day" буюу "Олон улсын орчуулагчдын өдөр" хэмээн 1953 оноос хойш тэмдэглэж иржээ. Харин энэ өдрийг НҮБ-ын Ерөнхий Ассемблей 2017 оны тавдугаар сарын 24-нд "Олон улсын орчуулгын өдөр" болгон албан ёсоор зарлажээ.

Олон улсын орчуулагчдын холбоонд өдгөө дэлхийн 100 гаруй орон нэгдсэн байдаг. Улс орны соёлын холбоог бэхжүүлэхэд орчуулагчдын үүрэг, нөлөө их. 

Орчуулагчдын өдрийг улс орны орчуулагчдын холбоог бэхжүүлэх, орчуулагчдын хооронд мэдээлэл, туршлага солилцох, даяаршиж байгаа өнөөгийн нийгэмд орчуулагчдын гүйцэтгэх үүрэг улам бүр нэмэгдэж байгааг олон нийтэд ойлгуулах, сурталчилах зорилготойгоор тэмдэглэн өнгөрүүлдэг байна.