Э.Бат-Үүл: Би нэр дэвшвэл ХОТЫН ДАРГАД л нэр дэвшинэ

УИХ-ын гишүүн асан Э.Бат-Үүл цаг үеийн асуудалтай холбогдуулан мэдээлэл өглөө. 

Энэ үеэр тэрээр "Н.Алтанхуягийг шүүхээр яллах гэж байгаа, тэр дундаа шүүх болон эрүүгийн хууль зөрчөөд, байцаан шийтгэх хууль зөрчөөд яллах гэж байгаа энэ асуудалд бид тэмцэх ёстой. Шүүх шийдвэр гаргахдаа баттай итгэл үнэмшлээрээ гаргана гэж байдаг. Тэгтэл эдгээг гурван шүүгч хоёр жилийн өмнө хэрэгсэхгүй болгож шийдвэрлэсэн шийдвэрээсээ ухарлаа. Энэ шүүгчдийг ШЕЗ татах ёстой. 

Би нэр дэвшвэл хотын даргад л нэр дэвшинэ. Манайд ерөнхийлөгчид нэр дэвших хүн зөндөө бий. Тэднийг минь ингээд барьж хориод байх вий. Н.Алтанхуягийг маань л ингээд байна. Л.Гантөмөр зэрэг хүмүүс Н.Алтанхуягийнхаа хажууд зогсох хэрэгтэй. Н.Алтанхуягийн нэр дэвших хууль ёсны эрхийг сэргээхгүй бол манай нам Ерөнхийлөгчийн сонгуульд орж болохгүй. Түүнийг бүх нийтээрээ бойкотлох хэрэгтэй. Ороод ялагдчихвал түүнийг хууль ёсны болгоод өгчхөж байна гэсэн үг. 

2016 онд намайг хотын даргын ажлаа өгснөөс хойш манай ажлыг зогсоочихсон байсан. Түүнийг Х.Нямбаатар үргэлжлүүлээд явж байгаа. Монголд байдаг бүх дарга нар нар дотроос хамгийн хүнд ажлыг хотын дарга л хийдэг. 

Х.Нямбаатарт хэлмээр байгаа ганц зүйл нь иргэдтэйгээ жаахан хүндэтгэлтэй харьцаач ээ л гэдэг зүйл байна" гэлээ. 

ДЭЛГЭРЭНГҮЙ ҮЗЭХ