Өлзийтийн даваанд зам тээврийн НОЦТОЙ осол гарлаа

Өнөөдөр (2020.06.06) 14:30 цагийн орчимд Өлзийтийн даваа орчимд зам тээврийн ноцтой осол гарчээ. 

Цемент ачиж явсан том оврын автомашин Өлзийтийн постоор нэвтрэх гэж байсан 13 автомашиныг мөргөсөн ба осол гаргасан жолооч "Тоормоз ажиллаагүйн улмаас мөргөсөн" гэх урьдчилсан мэдүүлэг өгөөд байна.

Одоогийн байдлаар хэргийн газарт үзлэг шалгалтыг хийж, гэмтсэн иргэдийг эмнэлгийн байгууллагад шилжүүлж байна. Ослын улмаас урьдчилсан байдлаар хоёр хүн гэмтсэн бөгөөд эд матeриалын хохирол их хэмжээтэй учирчээ. Тээврийн цагдаагийн албанаас ослын газарт үзлэг хийж ажиллагаа явагдаж байна гэж Тээврийн цагдаагийн алба мэдээллээ.