“Нэг хаалга-Нэг шинжилгээ”-нд эхний өдөр 45.351 хүнийг хамрууллаа

Нийслэлийн хэмжээнд бүх нийтийн бэлэн байдлын зэрэгт шилжсэнтэй холбогдуулан 2021 оны 02 дугаар сарын 11-нээс 23-ны өдрүүдэд “Нэг хаалга-Нэг шинжилгээ” үйл ажиллагааг зохион байгуулж байна.

Коронавируст “Ковид-19” халдварыг илрүүлэх, тандах зорилготой тус шинжилгээнд халдварын голомтын идэвхитэй бүсэд хамаарах эрсдэл бүхий хороодоос сонгогдсон айл өрхийн 1 гишүүн хамрагдана.

Энэ хүрээнд нийслэлийн найман дүүрэгт шинжилгээний 84 цэг, явуулын 146 багт эрүүл мэндийн салбарын 1415 эмч, эмнэлгийн мэргэжилтэн ажиллаж байгаа юм.

2021 оны 02 дугаар сарын 11-ний өдрийн 22:00 цагийн байдлаар, тус шинжилгээнд нийтдээ 45.351 хүнийг хамруулж дууссан байна.

ТУХАЙЛБАЛ:

• Багануур -79

• Баянзүрх -9812

• Баянгол -7672

• Хан-Уул -4505

• Чингэлтэй -4530

• Сүхбаатар -4499

• Сонгинохайрхан -12.248

• Налайх -2006 хүн шинжилгээнд хамрагджээ.

НИЙСЛЭЛИЙН ЭРҮҮЛ МЭНДИЙН ГАЗАР