Шинэ мөнх ногоон модыг Леонардо ДиКаприогийн нэрээр нэрлэв

Эрдэмтэд Камерунд илрүүлсэн мөнх ногоон модоо жүжигчин Леонардо ДиКаприогийн нэрээр нэрлэжээ.

Эрдэмтэд үүгээрээ Леонардо ДиКаприогийн Камеруны ойг огтлохоос хамгаалахад гаргасан хичээл зүтгэлийг нь хүндэтгэсэн байна.

New Scientist-д мэдээлснээр Их Британийн хатан хааны Ботаникийн цэцэрлэгт хүрээлэнгийн эрдэмтэд шинээр нээн илрүүлсэн модоо “Увариопсис дикаприо” гэж нэрлэжээ. Энэхүү мөнх ногоон мод нь Камеруны Эбо ойд л ургадаг аж.

“Увариопсис дикаприо” мод нь устах аюулд ороод байгаа талаар эрдэмтэд ярьжээ.

“Оскар”-ын шагналт жүжигчин Леонардо ДиКаприо Камеруны Эбо ойг огтлохыг таслан зогсооход чухал үүрэг гүйцэтгэсэн юм.