Бээжин-2022: Халдварын 23 шинэ тохиолдол илэрлээ

Бээжингийн өвлийн олимпын их наадамд оролцохоор Бээжинд ирсэн төлөөлөгчдөөс халдварын 23 шинэ тохиолдол илэрсэн тухай Олимпын зохион байгуулах хороо мэдээлжээ.

Лхагва гарагт /2022.01.26/ Хятад улсад 14 тамирчин, албан ёсны төлөөлөгч, 337 зохион байгуулагч талын буюу спорт холбоодын төлөөлөгч хүрэлцэн ирсэн байна.

PCR шинжилгээгээр 15 шинэ халдвар илрүүлсэн нь бүгд зохион байгуулагч талын төлөөлөгчид байна. Найман халдварын тохиолдол өмнө нь Бээжинд ирсэн зохион байгуулагч талын төлөөлөгчид байна.

Бээжингийн өвлийн олимпын их наадам хоёрдугаар сарын 4-20-ны хооронд болно.