ЗГ: Украинд амьдардаг монголчуудыг авчрах асуудлаар хуралдана

Засгийн газар өнөөдөр /2022.02.24/ 16:00 цагаас ээлжит бусаар хуралдахаар боллоо.

Хуралдаанаар Украин улсад амьдарч, сурч байгаа Монгол иргэдээ авч ирэх асуудлыг хэлэлцэх аж. 

Учир нь, ОХУ-ын Ерөнхийлөгч Владимир Путин Донбасст цэргийн тусгай ажиллагаа явуулах шийдвэр гаргаж, дэлхий нийтийн анхаарал Орос, Украины тийш чиглээд байна. 

Харин албан ёсоор Украин улсад Монгол Улсын 22 иргэн ажиллаж амьдарч байгаа аж. Харин тус улсын их, дээд сургуульд 68 Монгол оюутан суралцдаг байна. Өнөөдрийн байдлаар Украин улсад үүссэн нөхцөл байдлаас шалтгаалж Монгол Улсын 41 оюутан эх орондоо ирэхээ мэдэгдээд байгаа билээ.

Засгийн газрын ээлжит хуралдааны дараа Гадаад харилцааны сайд Б.Батцэцэг мэдээлэл хийхээр болжээ.