ЗАСГИЙН ГАЗАР: Хөгжлийн банкнаас авсан зээлийн эргэн төлөлтийг хэлэлцэж байна

Засгийн газрын ээлжит хуралдаан долоо хоног бүрийн лхагва гарагт болдог. Тэгвэл өнөөдрийн /2022.04.13/ Засгийн газрын ээлжит хуралдаан Төрийн ордонд 08:00 цагт эхэлсэн бөгөөд цаг үеийн нөхцөл байдалтай холбоотой хэд хэдэн асуудлыг хэлэлцэн шийдвэрлэхээр төлөвлөсөн байна.

Өөрөөр хэлбэл, Төрийн өмчит банкийг олон нийтэд нээлттэй хувьцаат компанийн хэлбэрт шилжүүлэх үндсэн чиглэл батлах тухай, Хилийн шугам дахь чингэлэг шилжүүлэн ачих талбайг өргөтгөх тухай, Монгол Улсын Хөгжлийн Банкны чанаргүй зээлийн авлагыг төлүүлэх талаар авч хэрэгжүүлж байгаа арга хэмжээний явц, цаашид авах арга хэмжээ, Хилийн Гашуунсухайт, Шивээхүрэн боомтын үйл ажиллагааг эрчимжүүлэхэд зайлшгүй шаардлагатай арга хэмжээг авч хэрэгжүүлэх үүрэг бүхий Ажлын хэсгийн явц зэрэг 40 гаруй асуудал хэлэлцэхээр төлөвлөжээ.

Засгийн газрын хуралдаанаас гаргасан шийдвэрийг эргэн мэдээлэх болно.