Х.Нямбаатар хэмнэлт хийхийн тулд машинаас татгалзаж онгоц хөлөглөв

Хууль зүй, дотоод хэргийн сайд Х.Нямбаатар Засгийн газрын гишүүдээ төлөөлж орон нутгийн томилолтод онгоцоор явах санаачилгыг гаргаад байгаа. Өмнө нь тэрбээр Цагаан дэл боомтод ажиллахдаа "Эрдэнэс Тавантолгой" компанийн эзэмшдэг онгоцоор зорчсон талаар мэдээлэл өгч байсан. Энэ удаад Хөвсгөл аймгийн Цагаан-Уул сумын төвд 1,1 км авто замын шав тавих ёслолд оролцохдоо мөн л онгоцоор очжээ.  

Засгийн газар хэмнэлтийн бодлого баримталж байгаа энэ үед онгоц хөлөглөх нь хамгийн зөв сонголт гэдгийг тэрбээр дараах байдлаар тайлбарласан юм.

Хууль зүй, дотоод хэргийн сайд Х.Нямбаатар:

-Хөдөө орон нутагт томилолтоор явахад Засгийн газар жижиг оврын, шатахуун бага хэрэглэдэг онгоц, нисдэг тэрэг аль нэгийг сонголтоор хэрэглээд, тэр баг нь өдөртөө буцаж ирвэл хамгийн бага зардал гаргах боломжтой.

Сайд томилолтод явахдаа агентлаг, яамнаас нэг нэг автомашин дагуулж явдаг. Энэ нь цаг хугацаа ч алдаж, зардал мөнгөний хохиролтой байгаа тул хэмнэлтийн тухай хуульд онгоц юм уу нисдэг тэрэг ашиглах агуулга тусч байгаа.

Ер нь томилолт гээд ар араасаа олон машин дагуулж явах нь буруу гэж боддог.