Шри Ланка түлшний нөөцөө шавхжээ

Я.Болор | Zindaa.mn
2022 оны 06 сарын 27

 

Шри Ланка түлшний нөөцөө шавхаж, нэг хоногийн нөөц л үлдсэн тухай “Daily Mirror” хэвлэл Цейлоны газрын тосны корпорацыг иш дурдан мэдээлжээ.

Тус улсад одоо 1.1 мянган тонн бензин, 7.5 мянган тонн дизель түлш үлдээд байна. Өнгөрсөн долоо хоногт түлш ачсан ганц ч хөлөг онгоц Шри Ланкагийн зүг хөдлөөгүй. Учир нь Коломбо шаардлагатай төлбөрөө хийгээгүйгээс гадна олон улсын банкны төлбөр тооцооны баталгаа гаргаагүй байна. Тэр бүү хэл хамгийн сүүлд нийлүүлсэн түлшний төлбөр тооцоог ч мөн хийгээгүй гэж тус хэвлэлийн эх сурвалж онцолжээ.

Шри Ланка улс гадаад өрийн төлбөр тооцоог хийгээгүй тул олон улсын компаниуд хар жагсаалтад оруулж, шинэ захиалга авахдаа олон улсын банкны баталгаа шаардаж байна. Түлшний нийлүүлэлт ийн зогссон учир энэ долоо хоногт Шри Ланкад нийтийн тээвэр зогсох эрсдэл бий болоод байна. Үүнээс гадна цахилгаан эрчим хүчний нэмэлт хязгаарлалт хийж болзошгүй гэж “Daily Mirror” бичжээ.

Шри Ланка улсын гадаад өрийн хэмжээ 51 тэрбум ам.долларт хүрч, дөрөвдүгээр сарын 12-нд тус улсын Сангийн яам гадаад өрийн дефолт зарласан билээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зангараа(202.179.25.45) 2022 оны 06 сарын 28

Монголтой харьцуулахад бараг өргүй юм биш үү. 3 сая хүнтэй монгол 35 тэрбумын өртэй.

0  |  0
Top