Жонсон огцорсноор татвар төлөгчид хэр их мөнгө төлөх вэ?

Я.Болор | Zindaa.mn
2022 оны 07 сарын 07

Их Британийн Ерөнхий сайд Борис Жонсон танхимын 50 гаруй гишүүнтэй огцорсноор татвар төлөгчид 420 мянга гаруй фунт стерлингийн үнэ төлөх болж байна гэж “Independent” хэвлэл тооцоолжээ. Жонсон хувьдаа 19 мянган фунт стерлинг авах гэнэ.

Танхимын гишүүдийн тэтгэврийн тухай хуульд зааснаар, огцорсон парламентын гишүүд жилийн цалингийн нийт хэмжээний 25 хувьтай тэнцэх тэтгэмж авдаг байна. Энэ дүрэм Жонсоны танхимын гишүүдэд үйлчилнэ. Сайд нар цалингаасаа гадна парламентын гишүүний хувиар нэмж 22-68 мянган фунт стерлинг авдаг байна. Жонсоны хувьд 75 мянган фунт стерлингийн нэмэлт орлоготой.

Эдгээр тоо британчуудын дургүйцлийг төрүүлж байна. Учир нь Жонсоны танхимын гишүүд ажлаа өгсний дараа парламентын гишүүний ажлаа үргэлжлүүлсээр байх юм. Парламентын гишүүний цалин нь дунджаар 84 мянга гаруй фунт стерлинг байдаг аж.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(202.9.46.147) 2022 оны 07 сарын 09

Үс ч ямар хамаа байх вэ

2  |  0
лорд(192.82.90.226) 2022 оны 07 сарын 07

үсээ ч самнаж чаддаггүй, үзлийн амьтан огцорсон нь зөв.заа ашгүй дээ.

0  |  0
Top