Олимпын аварга Роман Костомаровын хурууг тайрахаар болжээ

Уран гулгалтын бүжгийн төрлийн олимпын аварга, дэлхийн хоёр удаагийн аварга Роман Костомаров гурав дахь долоо хоногтоо сэхээнд байгаа билээ.

Томуутай хавсарсан зүүн талын уушгины хатгалгаа болон цусны халдвар, хордлого болсон түүний мөчүүд нь үхжиж эхэлсэн байна.

Ухаан орсон ч ярьж чадахгүй байгаа 45 настай уран гулгагчийн гарын хуруунуудыг тайрах шаардлагатай болсон бол хөлийг нь авч үлдэхээр эмнэлгийнхэн хичээж байгаа аж. Гэхдээ хөлийг нь үлдээх боломж тийм ч өндөр биш байгаа гэнэ.
 

Уран гулгагчийн хэвтэж буй Коммунарка эмнэлэгт ОХУ-ын Эрүүл мэндийн сайд Михаил Мурашко ирж, түүний биеийн байдлыг асуужээ.
 

Костомаров удахгүй Германы эмнэлэг рүү шилжих аж. Түүний эхнэр, уран гулгагч Оксана Домнина нөхрийнхөө дэргэд байнга байхыг хичээж байгаа гэнэ.

Мөн хамтран гулгагч Татьяна Навка нь шаардлагатай тусламжийг үзүүлэхээр хичээж байгаа аж.