СОНСГОЛ: Баяжуулах үйлдвэрийн гэрээг НУУЦАД ОРУУЛЖ, үнийн дүнг нэг их наяд болгон өсгөжээ

УИХ-ын Хянан шалгах түр хорооноос зохион байгуулж байгаа "Нүүрсний сонсгол"-ын хоёр дахь үе шат хоёр дахь өдрөө үргэлжилж байна.

Өнөөдрийн нээлттэй сонсголоор "Эрдэнэс Тавантолгой" ХК-ийн борлуулалтын үйл ажиллагаатай холбоотой зургаан сэдвээр нотлох баримтыг шинжлэн судлах юм.

Нүүрс баяжуулах үйлдвэр барих төсөл, төслийн үйл явцын талаарх шинжээчийн дүгнэлтийг сонслоо.

Нүүрс баяжуулах үйлдвэр барих төслийн гэрээг хөнгөлөлттэй нөхцөлөөр хийсэн учраас "Эрдэнэс Тавантолгой" ХК-ийн гүйцэтгэх захирал асан Б.Ганхуяг оффтэйк гэрээнд оруулж байжээ. Хөнгөлөлттэй нөхцөлийн зөрүүнээс 34.1 сая ам.долларын боломж алдагдсан байна.

Түүнчлэн уг гэрээнд ТУЗ-ийн тогтоолоор нэмэлт өөрчлөлт оруулснаар гэрээний анхны үнийн дүн болох 355 тэрбум төгрөгийг нэмэгдүүлж, 1 их наяд, 87 тэрбум төгрөг хүртэл өсгөжээ.