Жүжигчин Жан Ши Ён нөхрөө шүүхэд өгчээ

Жүжигчин Жан Ши Ён 2006 онд 23 насандаа гэр бүл зохиож нэг хүүтэй болсон ч 2009 онд гэрлэлтээ цуцлуулж буйгаа зарласан. Тухайн үед нөхөр нь түүний нэрийг ашиглан олон тооны гэрээ байгуулсан нь тогтоогдсон бөгөөд нөхрөө залилангийн хэргээр шүүхэд өгч байсан билээ.

Нөхрөөсөө салснаас хойш хүүгээ ганцаар өсгөж байсан жүжигчин бүсгүй "Flower of Revenge" кинонд тоглож байх үедээ жүжигчин Кан Кён Жүтэй дотносон улмаар 2013 онд харилцаагаа олон нийтэд зарлажээ.

Хосууд 2018 онд гэрлэж хоёр дахь хүүгээ өлгийдөн авсан ч харамсалтай нь жүжигчин бүсгүй нөхрөө мөн л шүүхэд өгсөн байна. Түүний нөхөр жүжигчин Кан Кён Жү гэрлэсэн эмэгтэйтэй нууцаар уулздаг байсан нь ил болсон бөгөөд жүжигчин бүсгүй нөхрөө өнгөрөгч арванхоёрдугаар сард завхайрсан хэргээр шүүхэд өгч 50 сая вон нэхэмжилжээ.