Рафа Маркес: “Барселона” клубын домогт хамгаалагч

Мексикийн хөлбөмбөгийн түүхэн дэх хамгийн агуу тоглогч хэн бэ? Зарим хөгжөөн дэмжигчид таван ДАШТ-д оролцсон домогт хаалгач Антонио Карбахалыг нэрлэнэ. Бусад нь Испанийн лигийн таван удаагийн аварга Уго Санчезийг онцлох байх. Харин зарим нь MX Лига-д дөрвөн удаа шилдэг тоглогчоор шалгарч, өөрийн гэсэн өвөрмөц мэхийг зохиосон Куаутемок Бланког хамгийн түрүүнд санах биз.

Шагнал, амжилтууд

Гэхдээ эдгээр алдартнуудын дунд нэгэн онцгой хамгаалагч, Рафаэль Маркес ялгарч харагддаг. Тэр Карбахалтай адил таван ДАШТ-д оролцсон бөгөөд таван удаа шигшээ багтайгаа хасагдах шатанд шалгарч чадсан. Пентапичичигийн (Уго Санчез) адил Европын лигийн таван удаагийн аварга болсон ч Монако клубтэй авсан анхны цол дээрээ дөрвөн удаагийн Ла Лигийн аваргын медалиа нэмсэн. Мөн Уго Санчезийн хүрч чадаагүй Аваргуудын лигад тэргүүлсэн билээ. Эх орондоо Бланкогоос бага хугацаанд тоглосон ч хоёр удаа лигийн аварга болсон бол Куаутемок зөвхөн нэг түрүүтэй үлдсэн. Маркесийн хувьд Бланкогийнх шиг өвөрмөц мэх байхгүй ч тэр өвөрмөц хочтой. Түүнд “Эль Кайзер де Мичоакан” буюу энэ онд хорвоог орхисон Германы хамгаалалтын домог Франц Беккенбауэрийн тоглолтын хэв маягтай адил тоглодог учир ийм хоч хайрлажээ.

Эхлэл болон Европыг зорьсон нь

Рафа Маркесийн хөлбөмбөгийн замнал нийгмийн сүлжээ хөгжихөөс өмнө эхэлсэн. 1996 онд 17-хон настай хүү Атлас клубт анх гараагаа эхэлжээ. Тэр богино хугацаанд л өөрийгөө харуулж, зөвхөн Мексикт бус, Европт ч авьяаслаг хамгаалагч хэмээн анхаарал татаж эхэлсэн. Маркес эхний багтаа гурван улирал тоглосны дараа 6 сая ам.долларын үнээр Монако клубт шилжсэн юм.

Шигшээ багт уригдсан нь

 Тэр үед Маркес Мексикийн шигшээ багт өөрийн байр сууриа хэдийн олсон байсан бөгөөд түүний анхны “Эль Триколор”-т дуудагдсан түүх хөгжилтэй явдлаар дүүрэн. 17-хон настай Маркес гэнэт шигшээ багаас урилга хүлээн авчээ. Гэтэл түүнийг андуурсан болж таарав. Үнэндээ дасгалжуулагчид түүнийг бус Сесар Маркесийг урьсан байна. Гэсэн ч удалгүй Рафа өөрийгөө шигшээ багт байх гавьяатай тоглогч гэдгээ баталж чадсан. Тэр 1998 оны ДАШТ-д шигшээ багийн бүрэлдэхүүнд багтаж чадаагүй ч, ердөө жилийн дараа 20-хон настайдаа шигшээ багийн хамтаар Холбоодын цомын аварга болсон юм.

“Блауграна”-гийн гайхалтай аялал

Дөрвөн жилийн дотор Маркес Францын аварга болж, Лиг 1-ийн шилдэг төвийн хамгаалагчдын нэг хэмээн үнэлэгдэж, түүний нэр “1xBet” компанийн албан ёсны түнш “Барселона” клубын сонирхлын жагсаалтад багтав.

2003 онд Каталоны дасгалжуулагч Франк Райкард Маркесийг авахын тулд 5 сая еврогийн санхүүжилт гаргахыг клубын удирдлагуудыг ятгаж, улмаар Рафа шинэ багтаа хурдан дасан гол тоглогчдын нэг болжээ. “Блауграна”-гийн бүрэлдэхүүнд Райкард, Гвардиола нарын удирдлага дор долоон жил тоглохдоо Маркес 242 тоглолтод оролцож, 13 гоол оруулсан. Түүний тоглолтын тоо бүр ч их байх боломжтой байсан ч хамгаалагч бэртлийн улмаас олон тоглолтыг өнжсөн. Гэвч энэ нь Рафа Маркесийг “Барселона”-гийн домогт тоглогчдын эгнээнд багтахад огтхон ч саад болоогүй юм. Тэр багтайгаа нийт 12 нэр хүндтэй цом хүртэж, Роналдиньо, Чави, Анри, Иниеста, Месси зэрэг хөлбөмбөгийн ододтой мөр зэрэгцэн тоглож байлаа.

Дасгалжуулагчийн замнал

2010 онд “Мичоаканы Кайзер” Хойд Америкийг зорьж, хоёр улирлын турш “Нью-Йорк Ред Буллз” клубт тоглов. Дараа нь тэрбээр эх орондоо эргэн ирж “Леон”, өөрийнхөө өсч өндийсөн анхны баг “Атлас” клубуудад тоглосон бөгөөд энэ хооронд Италийг зорин “Верона” багт нэг улирал өнгөрүүлжээ. Тоглогчийн замналаа өндөрлүүлсний дараа Рафа хөлбөмбөгт үлдэх боломжийг эрэлхийлж байв. Улмаар 2022 онд тэр “Барселона” клубээс санал хүлээн авч, залуучуудын баг болох “Барселона Атлетик”-ийг дасгалжуулах үүрэг хүлээв. Энэ нь түүний хувьд онцгой боломж байсан. Учир нь гэрээгээ дуусгаснаас хойш ч “Блауграна”-тай сайн харилцаатай хэвээр байсан юм. Сүүлийн үед Чави улирлын төгсгөлд “Барселона”-гаас явна гэдгээ мэдэгдсэнээр, Маркесийг шинэ ерөнхий дасгалжуулагчийн албан тушаалд боломжит нэр дэвшигчдийн нэг гэж үзэх болсон. Тэр бол багийн дотоод үйл ажиллагааг сайн мэддэг, өвөрмөц туршлагатай, манлайлагч чанартай хүн юм.